Page 1 of 1

Nokia эргэн ирж, анхны 5G сүлжээтэй гар утсаа танилцууллаа

Posted: Mon Mar 23, 2020 1:04 pm
by boljmor
Nokia эргэн ирж, анхны 5G сүлжээтэй гар утсаа танилцууллаа

Image


HMD компани өөрсдийн анхны 5G сүлжээтэй Nokia 8.3 5G гар утсаа болон бусад Nokia 5.3, Nokia 1.3, Nokia 5310 гэх зэрэг боломжийн үнэтэй гар утасны загваруудаа олон нийтэд танилцууллаа.

HMD компанийн хувьд Samsung болон OnePlus зэрэг андройд гар утас үйлдвэрлэдэг компаниудыг бодвол 5G гар утсаа арай хожуу зах зээлд нэвтрүүлж байна. Гэсэн хэдий ч Nokia 8.3 5G гар утасны 5G сүлжээ нь бусад өрсөлдөгчдөөсөө илүү өргөн цар хүрээг хамарч, 5G роуминг нь илүү олон улсын хооронд ажиллах чадалтай ажээ.HDM компани өөрсдийн анхны 5G гар утсаа "Анхны жинхэнэ дэлхийн 5G гар утас" болгох зорилт тавьжээ.

Image


Илүү өргөн, хүчирхэг 5G сүлжээнээсээ гадна тус гар утас нь камерны хүчин чадал, тэр дундаа бичлэг хийх тал дээр илүү их анхаарч ажиллажээ. Гар утасны ар талд 64 мегапиксел бүхий гол камер, 12 мегапиксел чадалтай ultra wide камер, 2 мегапиксел чадалтай макро камер болон 2 мегапиксел бүхий гүний мэдрэгчтэй байхаар бүтээгджээ. Харин урд талдаа 24 мегапикселийн селфи камертай байна. Мөн 4K бичлэг хийх болон 21:9 гэсэн хэмжээтэй өргөн зураг авах боломжтой ажээ. Nokia 8.3 5G гар утас нь 6.81 инчийн дэлгэцтэй, 4500mAh батарейтай, хурууны хээ уншигчтай байна.

Image


Худалдаанд гарах үнийн хувьд 6GB санах ойтой, 64 GB багтаамжтай загвар нь 650 ам.доллар бол харин 8GB санах ойтой, 128 GB багтаамжтай загвар нь 695 ам.доллар байх ажээ. Компаний зүгээс ирэх 2020 оны зунаас худалдаанд гаргахаар төлөвлөж байна.